Në komunitet individi ndihet më i mbrojtur, pjesë e së tërës, e cila e zhduk frikën dhe mungesën kur ti ndodhesh i vetëm. Të qënit pjesë e së tërës, të jep iluzionin se je më pak i predispozuar ndaj fenomeneve të cilat, përgjithësisht, trajtohen si raste të izoluara nga shoqëria.
Për dhunën fizike flitet kryesisht në termat e mjediseve të mbyllura, ku viktima e ka kontakt të drejtpërdrejtë me dhunuesin, ka një marrëdhënie (në pjesën më të madhe të rasteve) dhe e ka më të kufizuar mundësinë për të kërkuar ndihmë. Por cfarë ndodh kur individi është i pasigurtë edhe në ambientet publike? Cilat janë mënyrat dhe institucionet ku duhet te drejtohemi? Si krijohet një dhunues dhe cila është përgjegjësia e tij idividuale, e institucioneve dhe e vetë shoqërisë?
Për të gjitha këto tema diskutuam se bashku me Mirelen, aktiviste, Anilen, gazetare, Rezarta, avokate pranë qendrës për fuqizimin e gruas (AWEN), si dhe Irena Kraja, psikologe.
